გინდა ნაცმოძრაობის, გინდა მელიას ტერიტორიად მთავარი არხის გამოცხადება, სამარცხვინოა - ნიკა გვარამია გახარიას
გამოქვეყნდა:
"მთავარი არხის" გენერალური დირექტორი და დამფუძნებელი ნიკა გვარამია გიორგი გახარიას მიმართავს. მის პოსტს უცვლელად გთავაზობთ:
ბატონო გახარია, ჯერ ერთი, გინდა ნაცმოძრაობის, გინდა მელიას და გინდა ვისიც გნებავთ ტერიტორიად მთავარი არხის გამოცხადება, სამარცხვინოა და ირაკლი კობახიძის და ვოლსკის კლასიკა. და ისევ მანდ თუ ხართ, არ ვიცი.
მეორე, ჩემთან პირისპირ ინტერვიუს, რომელიც პრაქტიკულად შეთანხმებული იყო 19 სექტემბერს, დებატებით ვერ ჩაანაცვლებთ. თუ არ მოდიხართ, გასაგები იქნება, რომ ვერ ბედავთ, ისევე როგორც ვერ ბედავს კალაძე. ასე რომ, ამ მხრივ თქვენს შორის არანაირი განსხვავება არ იქნება, ისევე როგორც, ზემო პუნქტში აღნიშნულ შემთხვევაში - თქვენსა და კობახიძეს შორის.
დებატებს რაც შეეხება, ძალიაან თუ გინდათ ჩვენს არხზე გამოჩნდეთ ნიკა მელიას ფონზე, ნამდვილად არაა პრობლემა. უბრალოდ, ჩემთან ინტერვიუზე მოსვლის შიშს ეგ ვერ იხსნის. ჩათვლას ვერ მიღებთ მოკლედ. გმადლობთ ყურადღებისთვის, - წერს ნიკა გვარამია.
