ევროკავშირი ფარული ჩანაწერების გამო ნაბიჯებს გადადგამს - პეტერ სტანო

გამოქვეყნდა:

ევროკავშირი ფარული ჩანაწერების გამო ნაბიჯებს გადადგამს - ამის შესახებ "რადიო თავისუფლებასთან" ევროკავშირის საგარეო პოლიტიკური ხელმძღვანელის, ჟოზეპ ბორელის თანაშემწე, პეტერ სტანო საუბრობს.

ის დიპლომატიური კორპუსის წარმომადგენელთა, სავარაუდო ფარული მიყურადების საკითხს გამოეხმაურა და თქვა, რომ ეს ძალიან მნიშვნელოვანი საკითხია ვენის კონვენციის ჩარშოში არსებული დიპლომატიური ურთიერთობების ფარგლებში

„ჩვენ ვიცით საქართველოს მედიაში არსებული ცნობების თაობაზე, რომელიც შეეხება ჩვენი ევროკავშირის ელჩისა და ევროკავშირის დელეგაციის თანამშრომლებს შორის სატელეფონო საუბრებს, რომელიც ჩაწერილი იყო და ახლა გასაჯაროვდა. ეს ძალიან სერიოზული საკითხია, ვინაიდან მას მნიშვნელობა აქვს ვენის კონვენციის ჩარჩოში არსებული დიპლომატიურ ურთიერთობების ფარგლებში.

ჩვენ ამ კონტექსტში შესაბამის ნაბიჯებს ვდგამთ, როგორც ამას ვაკეთებ მსგავს სიტუაციაში, მაგრამ სავარაუდო ინცინდენტის ხასიათიდან გამომდინარე, ამ წუთას მეტს ვერ ვიტყვით“,- განუცხადა პეტერ სტანომ რადიო თავისუფლებას.

დიპლომატიური წარმომადგენლობების ფარული მოსმენა ვენის კონვენციის დარღვევაა - ამ თემაზე დღეს კომენტარი გააკეთა გერმანიის ელჩმა საქართველოში. 

ამავე თემაზე:

საერთაშორისო სკანდალი - სუს-ი დიპლომატებსაც უსმენს

 

მთავარი 18:00
უყურეთ ბოლო გამოშვებას

იხილეთ ჩვენს ეთერში

დღის მთავარი