"მოდი რეფერენდუმზე" - სისხლიან ბანერებზე ჩამოფარებული ნაჭერი ქუთაისში, ჩამოხსნეს
გამოქვეყნდა:
თეთრი ნაჭერი წარწერით "მოდი რეფერენდუმზე", რომელიც ქუთაისში, სისხლიან ბანერებზე გადააფარეს, უკვე ჩამოხსნილია. სამაგიეროდ ისევ ადგილზეა სიძულვილისა და ზიზღის გამომხატველი კამპანიის მთავარი სიმბოლო - სისხლიანი პლაკატები.
ხელისუფლების ოპონენტები, ადგილობრივი ოპოზიციის წარმომადგენლები და კანდიდატები ამბობენ, რომ არჩევნებამდე რამდენიმე დღით ადრე, ასეთი პლაკატების გამოჩენა "ქართული ოცნების" ხელწერაა და უშუალოდ სუს-ის დავალებით ხდება.
ოპოზიციის მერობის შეთანხმებული კანდიდატის, ხატია დეკანოიძის ინფორმაციით, რეგიონებში მუნიციპალურმა სამსახურებმა სისხლიანი ბანერების გამოკვრის დავალება სუს-დან და ინფრასტრუქტურის მინისტრის ერთ ერთი მოადგილისგან მიიღეს, რომელიც დეკანოიძის თქმით, სუს-ის აგენტია და არჩევნები აქვს ჩაბარებული.
სისხლიანი ბანერები დღეს უკვე გორის ქუჩებშიც გამოჩნდა.
