"ნაციონალური მოძრაობის" პოლიტსაბჭოს წევრი, კობა ნაყოფია ენმ-ისა და სენაკის მერობის საერთო ოპოზიციური კანდიდატია.
კობა ნაყოფიამ სენაკის მოსახლეობას სამომავლო პროექტები წარუდგინა:
- ბალნეოლოგიური კურორტი მენჯი - პროექტი ითვალისწინებს არქიტექტორული სტილის უცვლელად შენარჩუნებას, თანამედროვე, ფართომასშტაბიანი ინფრასტრუქტურის მოწყობას, მენჯის სანატორიუმის შენობის რეაბილიტაციასა და 180-ნომრიანი, სასტუმროს 200-ინდივიდუალური სამკურნალო კაბინეტის მოწყობას. განახლდება არსებული უნიკალური არქიტექტორული დეტალების მქონე კოლონებიანი სივრცე და მოეწყობა ე.წ. ყავარჯნების სამარის მუზეუმი.
დაგეგმილია ლანდშაფტზე მორგებული დასასვენებელი კომპლექსის მშენებლობა, ეთნოსივრცე, შატო და მარანი, ტრადიციული მეგრული ოდები და ახლიდან გაშენებული ოჯალეშისა და ცისკას ჯაშის ვაზი, აღდგება სუპტროპიკული ბაღები და განხორციელდება თანამედროვე პარკის მშენებლობა. მენჯის მიმდებარედ გაშენდება კომპლექსი საცხოვრებელი სახლებისა და საქმიანი კომერციული სივრცეებით. - ნოქალაქევი - ნოქალაქევის მიმდებარედ, საერთაშორისო სტანდარტების დაცვით, აშენდება მაღალი კლასის სასტუმრო კულტურული და კულინარიული ღონისძიებებისთვის განკუთვნილი ეთნოსივრცით და ტრადიციული მეგრული ოდებით.
"მენჯის, ნოქალაქევის, სენაკის პროექტების განხორციელება, სამეგრელოს ეკონომიკური სიძლიერე არის პირდაპირი გზა აფხაზეთისკენ და დევნილთა დაბრუნებისკენ" - თქვა კობა ნაყოფიამ სიტყვით გამოსვლისას.
იხილეთ ასევე:
