რუსთავის მერობის კანდიდატმა ენმ-დან დავით კირკიტაძემ დღეს ამომრჩევლებს მხარდაჭერისთვის მადლობა გადაუხადა და მეორე ტურზე, მობილიზაციისკენ მოუწოდა. კირკიტაძის თქმით, უკვე დღეიდან დაიწყებენ მისი შტაბის წევრები ადგილობრივი მოსახლეობისთვის დეტალურად იმ 100 დღიანი გეგმის გაცნობას, რომელიც კირკიტაძეს გამარჯვების შემთხვევაში აქვს.
მან მეორე ტური მიხეილ სააკაშვილისა და ზოგადად, ქვეყნის ივანიშვილის რეჟიმისგან გათავისუფლების შესაძლებლობა გამოაცხადა
კარგად მოგეხსენებათ, რომ საქართველოს ხელისუფლებას დაპატიმრებული ჰყავს მესამე პრეზიდენტი პოლიტიკური მიზნებიდან გამომდინარე, პოლიტიკური ბრალით. ამიტომ თითოეული ხმა მიცემული ოპოზიციისათვის რუსთავში და ყველგან, სადაც მეორე ტურია, ნიშნავს მიცემულ ხმას მიხეილ სააკაშვილის თავისუფლებისათვის" მიმართა ამომრჩევლებს დავით კირკიტაძემ.
რუსთავში მეორე ტურია. ერთმანეთს დავით კირკიტაძე და "ოცნების" კანდიდატი ნინო ლაცაბიძე უპირისპირდებიან.
