"სააკაშვილის დევნა ცალსახად პოლიტიკურია" - პეტიციას დეკანოზი თამაზ ლომიძე უერთდება

გამოქვეყნდა:

მიხეილ სააკაშვილის გათავისუფლებასთან დაკავშირებით შექმნილ პეტიციას დეკანოზი თამაზ ლომიძე უერთდება. ამის შესახებ მან Facebook-ზე დაწერა. წერს, რომ მისი დევნა პოლიტიკურია და ის აუცილებლად უნდა გათავისუფლდეს.

როგორც ერთი რიგითი ქართველი ვუერთდები პეტიციას: თავისუფლება პრეზიდენტ მიხეილ სააკაშვილს. რატომ?

1) რაც მან 2003 წლის შემდეგ მოახერხა 90-იანებში გაძარცვულ-გაუბედურებული და ყაჩაღების ხელში ჩავარდნილი საქართველოს სახელმწიფოსთვის, განუზომლად მეტია იმაზე, რასაც მას დღეს ედავებით.

2) მისი დევნა ცალსახად პოლიტიკურია და დღევანდელი ხელისუფლების გამონათქვამები ადასტურებს ამას: “ჭკვიანად იყოს, თორემ დავუმატებთ”, “რომ წასულიყო პოლიტიკიდან, არ დავიჭერდით” და ამასვე ადასტურებს მისი დაკავება მხოლოდ საქართველოში შემოსვლის შემდეგ.

3) მხოლოდ ის ფაქტი, რომ საქართველოს მთავარი მტერი და დამაქცევარი, რუსეთი ხარობს მისი დაკავებით, ადასტურებს, რომ არ უნდა იჯდეს საქართველოს პრეზიდენტი ქართველების ხელით ციხეში.

4) საქართველოში ერთხელ და სამუდამოდ უნდა დამთავრდეს ყოფილი პრეზიდენტების დევნა და მკვლელობა. ეს ვნებს და ანადგურებს ქვეყნის წინსვლას და მომავალს. გაიხსენეთ პრეზიდენტი ზვიად გამსახურდია და ის პროპაგანდისტული ტყუილების ზღვა, რითაც იგი შეაძულეს ხალხს, შედეგად განდევნეს და მოკლეს. ამ პროპაგანდისტული ტყუილების და ჭორების გავრცელებაში დიდოსტატია ჩვენი მტერი და კიდევ ერთხელ ნუ გააბრიყვებინებთ თავს.

გაათავისუფლეთ საქართველოს პრეზიდენტი მიხეილ სააკაშვილი!, - წერს დეკანოზი თამაზ ლომიძე.

მთავარი 11:00
უყურეთ ბოლო გამოშვებას

იხილეთ ჩვენს ეთერში

დღის მთავარი