მოვედი და კიდევ მოვალ - ზუგდიდის საკრებულოს წევრი ავტოკოლონისთვის გზის გადაკეტვაზე
გამოქვეყნდა:
ჩვენთან ერთად მოიპოვეთ თავისუფლება!
ზუგდიდის საკრებულოს წევრი, რომელიც სამეგრელოდან თბილისისკენ მომავალ ავტოკოლონას აბაშაში პარტიულ აქტივისტებთან ერთად დახვდა, ამბობს, რომ "მშვიდობიანად აპროტესტებს", თუმცა რას, ეს არ დაუკონკრეტებია. ის და "ოცნების" მხარდამჭერები კოლონას ცოცხებით და შეურაცხყოფით დახვდნენ.
"მე ვარ პოლიტიკური თანამდებობის პირი და როდესაც გავიგე იყო აქცია, მოვედი და კიდევ მოვალ ყველა იმ აქციაზე, სადაც მშვიდობიანად გაპროტესტდება. არცერთი აიპი-ს თანამშრომელი აქ არ დგას, ჩემთვის ნამდვილად არაა უხერხული ხალხთან დგომა და ხალხთან ერთად დავდგები ყოველთვის", - თქვა თაზო ფაცაციამ.
ცნობისთვის, თბილისისკენ მომავალ კოლონას გზაზე "ოცნების" პარტაქტივი და ზუგდიდის საკრებულოს წევრები სამტრედიასთანაც დახვდნენ.
მოქალაქეები ავტოკოლონებით თბილისისკენ მიხეილ სააკაშვილის მხარდასაჭერად მოემართებიან. მასშტაბური საპროტესტო აქცია 18:00 საათზე, თავისუფლების მოედანზე გაიმართება.
ამავე თემაზე:
- ზუგდიდის საკრებულოს წევრები, "ოცნების" პარტაქტივი და საჯარო მოხელეები სამტრედიასთან მობილიზდნენ;
- სამტრედიასთან კოლონას გზა გადაუკეტეს, 30 კაცია ცოცხებით - ანი წითლიძე
ავტორი: ემა გოგოხია.
