"მიხეილ სააკაშვილი სასწრაფოს მანქანიდან გადმოიყვანეს ძალის გამოყენებით" | სახალხო დამცველის წარმომადგენელი
გამოქვეყნდა:
ომბუდსმენის წარმომადგენლის ინფორმაციით, მიხეილ სააკაშვილი გლდანის ციხეში სასწრაფოს ავტომანქანით გადაიყვანეს. გლდანის ციხიდან ცოტა ხნის წინ გამოვიდა მიხეილ ღოღაძე, რომელმაც მესამე პრეზიდენტი მოინახულა - "მისი განცხადებით, ტრანსპორტირება მოხდა მანქანით".
ღოღაძის ინფორმაციით, მიხეილ სააკაშვილის იზოლირებულ პალატაშია მოთავსებული, გლდანში მიყვანისას კი ის სასწრაფოს მანქანიდან ძალის გამოყენებით გადაიყვანეს:
"ფიზიკური დაზიანებები მე ვერ შევნიშნე ამ ეტაპზე, თუმცა წარმოება მიმდინარეობს, ინფორმაციები გამოთხოვილია. მას არ უნდოდა გადმოსვლა ნომერ მე-18 დაწესებულებაში და ის გადმოიყვანეს მანქანიდან ძალის გამოყენებით" - ამბობს ომბუდსმენის წარმომადგენელი
მისივე ინფორმაციით, მიხეილ სააკაშვილი გლდანის მე-18 სამკურნალო დაწესებულებაში მკურნალობაზე უარს აცხადებს და შიმშილობას აგრძელებს.
ამავე თემაზე:
- გვაქვს საფუძვლიანი ეჭვი, რომ შეყვანისას მიხეილ სააკაშვილს გაუსწორდნენ ფიზიკურად - ნიკა გვარამია;
- მიხეილ სააკაშვილმა ციხის თანამშრომლებს ფიზიკური შეურაცხყოფა მიაყენა - ბრეგაძე
