ჩვენთან ერთად მოიპოვეთ თავისუფლება!
"ნაციონალური მოძრაობის" დეპუტატის, რომან გოცირიძის განცხადებით, ამერიკაში, დემოკრატიის სამიტზე ირაკლი ღარიბაშვილს არ უშვებენ, ამიტომ მან შემოვლითი გზა იპოვა და იქ პრეზიდენტს უშვებს.
მისი თქმით, ღარიბაშვილი ბოლო დროს გაკეთებული განცხადებების შემდეგ აშშ-სთვის პერსონა ნონ გრატაა.
"ღარიბაშვილს არ უშვებენ და მან გამოძებნა შემოსავლელი, ასე ვთქვათ, ალტერნატიული გზა და აგზავნის ქალბატონ სალომეს და ამით ასე ვთქვათ უნდა იმართლოს თავი და ის, რომ ფაქტობრივად ის არის ივანიშვილის მარიონეტი და რეალურად არ აქვს მას ქვეყანაში კონსტიტუციური ფუნქციის აღსრულების თავი და მისი ბოლო განცხადებები, განსაკუთრებით მიხეილ სააკაშვილთან დაკავშირებით, რომ მას აქვს სიკვდილის უფლება და ა.შ. ბევრი სისულელე, დღეს შეიძლება ვთქვათ, რომ ის ამერიკისთვის გახდა პერსონა ნონ გრატა", - თქვა რომან გოცირიძემ.
ცნობისთვის, დღევანდელ მთავრობის სხდომაზე ირაკლი ღარიბაშვილმა თქვა, რომ აშშ-ში, დემოკრატიის სამიტზე საქართველოდან სალომე ზურაბიშვილი მიიღებს მონაწილეობას. მისი თქმით, ზურაბიშვილმა სპეციალური მიწვევა პირადად მიიღო. სამიტი 10 დეკემბერს გაიმართება.
