ორთვიანი ტყვეობისა და 50 დღიანი შიმშილობის შემდეგ ქვეყნის მესამე პრეზიდენტმა მოიპოვა საჯაროდ გამოჩენის უფლება და სასამართლოს დარბაზიდან თანამოქალაქეებს მიმართა.
ერთად დავასრულოთ ყველაფერი რაც აფერხებს ქვეყნის განვითარებას, დავიბრუნოთ ჩვენი სამშობლოთი სიამაყის განცდა, დავუბრუნდეთ აღმშენებლობას და მოვიპოვოთ გამარჯვება - ამ მიზნებისთვის ბრძოლაზე მიხეილ სააკაშვილი კვლავ მზადყოფნას აცხადებს და ყველა მოქალაქეს გაერთიანებისკენ მოუწოდებს.
დღეს იყო შეცდომებზე საუბარიც და ბოდიშიც. ბოდიში ყველას, ვინც მიხეილ სააკაშვილის ხელისუფლების მთავარი შეცდომის მსხვერპლი გახდა .
მესამე პრეზიდენტმა განსაკუთრებული სინანულით სასამართლო სისტემის უკიდურესად მძიმე მდგომარეობაზე ისაუბრა და აღიარა საკუთარი ხელისუფლების ეს წარუმატებლობა, როგორც თავად ამბობს, საქართველოს არ ჰყოლია დამნაშავე პრეზიდენტი.
შეგახსენებთ, რომ მიხეილ სააკაშვილი დღეს პირველად წარსდგა სასამართლო პროცესზე, სადაც 7 ნოემბრის საქმის განხილვა მიმდინარეობდა.
ასევე იხილეთ:
- "მე მინდა დავიწყო იმით, თუ რატომ ვარ ამ დარბაზში და რატომ ვარ დღეს საქართველოში..." - მიხეილ სააკაშვილის სიტყვა;
- "არ მოგენატრათ თქვენი ქვეყნით სიამაყის განცდა?" - მიხეილ სააკაშვილის მიმართვა ხალხს, სასამართლო დარბაზიდან;
- "საკანში ბევრი ვიტირე ამ წერილების წაკითხვისას" - მიხელ სააკაშვილი მასწავლებლების წერილებსა და გელა ჩარკვიანზე;
- ....ბოლოს ჩემმა 15 წლის შვილმა, ნიკუშამ მითხრა, რომ უნდა დავბრუნებულიყავი საქართველოში - მიხეილ სააკაშვილი
