ამოღებულია 5 კგ-ზე მეტი "ჰეროინი" და 2 კგ "კოკაინი" - შსს-მ 12 პირი დააკავა
გამოქვეყნდა:
შინაგან საქმეთა სამინისტროს ინფორმაციიით, დეკემბრის თვეში, თბილისსა და რეგიონებში ჯამში 12 პირი დააკავეს. დაკავებულებს შორის არიან აზერბაიჯანისა და თურქეთის მოქალაქეებიც.
მათ ბრალად განსაკუთრებით დიდი ოდენობით ნარკოტიკული საშუალებების უკანონო შეძენა-შენახვა, საქართველოში უკანონოდ შემოტანა და ნარკოტიკების უკანონო გასაღების მცდელობა ედებათ.
სამართალდამცველებმა მიმდინარე თვეში 5 კილოგრამზე მეტი ნარკოტიკული საშუალება "ჰეროინი" და 2 კილოგრამი "კოკაინი" ამოიღეს.
უწყებაში აცხადებენ, რომ ბოლო 5 წლის განმავლობასი ყველაზე მეტი ნარკორეალიზატორი მიმდინარე წელს დააკავეს. 2022 წლის 22 დეკემბრის მონაცემებით, სულ დაკავებულია 136 ნარკორეალიზატორი.
ამოღებულია:
- 19 კილოგრამამდე ნარკოტიკული საშუალება "ჰეროინი",
- 4 კილოგრამი "კოკაინი",
- 5 ათასი აბი "სუბუტექსი",
- 3 კილოგრამი "ალფა-პვპ",
- 26 კილოგრამი "ბიო" და სხვა სახის ნარკოტიკები.
