"ამხანაგი კობახიძის" ანტიდასავლური განცხადებები, სხვა არაფერია თუ არა რუსეთის წახალისება - ხაზარაძე
გამოქვეყნდა:
"ლელოს" ლიდერის, მამუკა ხაზარაძის განცხადებით, ირაკლი კობახიძის დღევანდელი განცხადება ამერიკის საელჩოზე რუსეთის და პრო-რუსული ძალების წახალისებაა.
მისი თქმით, "ქართული ოცნების" თავმჯდომარის მხრიდან ასეთი კომენტარები უცხოური ინვესტიციების შემოსვლას, სამუშაო ადგილების გაჩენას და ეკონომიკის სწრაფ ზრდას შეუძლებელს ხდის.
"ამხანაგი კობახიძის" ანტიდასავლური, არა მეგობრული განცხადებები ჩვენი პარტნიორების მისამართით, სხვა არაფერია თუ არა რუსეთის და პრო-რუსული ძალების წახალისება.
ჩვენი მეგობარი სახელმწიფოების მიმართ უნდობლობის დანერგვა, საზოგადოებაში ნიჰილიზმის გაჩენა, იმის შეპარვით მტკიცება, რომ დასავლეთი და ევროპა ჩვენს პრობლემებს ვერ მოაგვარებენ და ისევ ჩრდილოელი მეზობელი დაგვეხმარება... ალბათ სხვას არც უნდა ელოდე ქვეყანაში გავრილოვის ჩამომყვანისგან.
ჩვენი ქვეყნის ეროვნული ინტერესია სტრატეგიულ პარტნიორებთან მჭიდრო თანამშრომლობა.
ჩვენი თვითმყოფადობის გადარჩენის ერთადერთი გარანტი, დღეს ქართველი ხალხი და ცივილიზებული სამყაროა.
ასეთი განცხადებები, მმართველი პარტიის თავმჯდომარისგან, უცხოური ინვესტიციების შემოსვლას, სამუშაო ადგილების გაჩენას და ეკონომიკის სწრაფ ზრდას შეუძლებელს ხდის.." - წერს მამუკა ხაზარაძე.
ამავე თემაზე:
- აშშ-ს საელჩოს განცხადება არასამართლიანია, არის ფაქტობრივი უზუსტობები, შეცდომები - კობახიძე;
- ასეთი განცხადებები არყევს ქართული საზოგადოების ნდობას დასავლელი პარტნიორების მიმართ - კობახიძე აშშ-ს საელჩოზე.
"ოცნების" თავმჯდომარეს "ფეისბუქით" გამოეხმაურა ენმ-ს ლიდერი ნიკა მელიაც
