"ქართულ ოცნებას" ჰყავს გორში მერი გამოძახებით, ძაღლი შინ არ ვარგოდაო" - ენმ ხინჩეგაშვილზე
გამოქვეყნდა:
ჩვენთან ერთად მოიპოვეთ თავისუფლება!
"ქართულ ოცნებას ჰყავს გორში მერი გამოძახებით" - ასე ეხმაურება "ნაციონალური მოძრაობის" წევრი გორის საკრებულოში, ბექა ქორჩილავა ხინჩეგაშვილის ამერიკულ საქმიანობას. მისი თქმით, მერს არანაირი კომპეტენცია არ აქვს თუ როგორ მართოს მუნიციპალიტეტი.
"ქართულ ოცნებას ჰყავს გორში მერი გამოძახებით, რომელსაც არანაირი კვალიფიკაცია არ გააჩნია, არანაირი ცოდნა არ გააჩნია ამ ადამიანს თუ როგორ უნდა მართოს მუნიციპალიტეტი, მაშინ როცა ასობით მოუგვარებელი პრობლემაა. ზამთრის პირობებში, როცა სოფლებში მისვლა წარმოუდგენელია, თოვლი დევს და ტექნიკური მარილიც არაა დაყრილი, ამის შესახებ ინფორმაციაც არ აქვს ამ ადამიანს. სამწუხაროდ, ეს ადამიანი, ძაღლი შინ არ ვარგოდაო, ამით შემიძლია შევამკო გორის მერი", - ამბობს ბექა ქორჩილავა.
გორის მერი აშშ-ში ერთ-ერთ სპორტსკოლაში ჭიდაობის მასწავლებლად მუშაობს. "მთავარმა" დღეს ინფორმაციის გადამოწმება თავად ლადო ხინჩეგაშვილთან სცადა, თუმცა ის კითხვებს გაექცა.
