უკრაინაში რუსეთის სამხედრო შეჭრის დაწყების შემდეგ, სულ მცირე 816 მშვიდობიანი მოქალაქე დაიღუპა - ამის შესახებ ინფორმაციას გაეროში ავრცელებენ.
ორგანიზაციის ცნობით, ადამიანების უმეტესობა მძიმე არტილერიის, ასევე სარაკეტო და საჰაერო დარტყმების მსხვერპლი გახდა.
ამასთანავე აღსანიშნავია, რომ დაღუპულთა ზუსტი რიცხვი უფრო მაღალია, რადგან გაეროს მონიტორინგის სამსახურები ვერ იღებენ სანდო ინფორმაციას ალყაში მოქცეული ქალაქებიდან, როგორიცაა მაგალითად მარიუპოლი.
