გამომძიებლებმა აღმოაჩინეს იახტა სახელად "შეჰერეზადა", რომელიც შესაძლოა რუსეთის პრეზიდენტ ვლადიმირ პუტინს ეკუთვნოდეს. სუპერიახტის ეკიპაჟი რუსეთის უშიშროების ფედერალური სამსახურისგანაა დაკომპლექტებული- ინფორმაციას რუსი ოპოზიციის ლიდერის, ალექსეი ნავალნის გუნდი ავრცელებს.
მათი ცნობით, იახტა 700 მილიონი დოლარის ღირებულებისაა. 140 მეტრიანი იახტა 2020 წელს გერმანიის გემთმშენებელმა ქარხანამ გამოუშვა.
ეს არის ერთ-ერთი ყველაზე დიდი იახტა თავის კლასში მსოფლიოში. პუტინის სახელს უკავშირებენ ამ იახტას ამერიკელი ოფიციალური პირებიც.
