რუსმა ოკუპანტებმა მოკლეს ქალი, რომელიც უბრალოდ ველოსიპედით გადაადგილდებოდა - დმიტრო ჟივიცკი
გამოქვეყნდა:
სუმის ოლქში, ქალაქ ტროსტიანეცში რუსმა ოკუპანტებმა მშვიდობიანი მოქალაქე მოკლეს.
სუმის რეგიონული სამხედრო ადმინისტრაციის ხელმძღვანელის, დმიტრო ჟივიცკის ინფორმაციით, აგრესორებმა ცეცხლი გაუხსნეს ქალს, რომელიც ველოსიპედით გადაადგილდებოდა.
"სამწუხაროდ, ისინი [რუსი დამპყრობლები] ესვრიან ხალხს. ქალი, რომელიც ქალაქში უბრალოდ ველოსიპედით მოძრაობდა, მოკლეს", - ამბობს დმიტრო ჟივიცკი.
მან ასევე აღნიშნა, რომ ტროსტიანეცის ქუჩებში ყოფნა სახიფათოა.
უკრაინული მედიის ცნობით, ტროსტიანეცის ქუჩებში ბრძოლები მიმდინარეობს. შეტაკებების შედეგად ქალაქში მასშტაბური ხანძარი გაჩნდა.
