"21-ე საუკუნის ჯოჯოხეთი... ნაციზმის უმძიმესი დანაშაულები ევროპაში დაბრუნდა" | პოდოლიაკი კიევის რეგიონიდან ფოტოებს აქვეყნებს
გამოქვეყნდა:
ნაციზმის უმძიმესი დანაშაულებები ევროპაში დაბრუნდა - ამის შესახებ უკრაინის პრეზიდენტის ოფისის ხელმძღვანელის მრჩეველი, მიხაილო პოდოლიაკი Twitter-ში წერს და გათავისუფლებული ქალაქებიდან ფოტოებს აქვეყნებს.
ფოტოებში ჩანს, რომ მშვიდობიან მოქალაქეებს ოკუპანტებმა ხელები შეუკრეს და პირდაპირ ქუჩებში დახვრიტეს.
"კიევის რეგიონი. 21-ე საუკუნის ჯოჯოხეთი. ქალებისა და მამაკაცების ცხედრები, რომლებიც ხელებშეკრული მოკლეს. ნაციზმის უმძიმესი დანაშაულებები ევროპაში დაბრუნდა. ეს გამიზნულად გააკეთა რუსეთმა. დააწესეთ ენერგორესურსებზე ემბარგო, დახურეთ საზღვაო პორტები. შეაჩერეთ მკვლელობები!", - წერს პოდოლიაკი Twitter-ზე.
ცნობისთვის, უკრაინულმა ჯარებმა კიევის ირგვლივ 30-ზე მეტი ქალაქი და სოფელი დაიბრუნეს. ამ დროისთვის ისინი კიევის რეგიონს სრულად აკონტროლებენ.
ამავე თემაზე:
