მარტში წლიური ინფლაციის დონემ 11.8% შეადგინა - ნახეთ რა გაძვირდა
გამოქვეყნდა:
საქსტატის მონაცემებით, 2022 წლის მარტში წინა თვესთან შედარებით ინფლაციის დონემ საქართველოში 2.5%, ხოლო წლიური ინფლაციის დონემ 11.8% შეადგინა.
წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე:
სურსათი და უალკოჰოლო სასმელები: ჯგუფში ფასები გაიზარდა 17.8%, ფასები მომატებულია შემდეგ ქვეჯგუფებზე:
- ბოსტნეული და ბაღჩეული 27.0%
- მინერალური და წყაროს წყალი, უალკოჰოლო სასმელები და ნატურალური წვენები 24.6%
- პური და პურპროდუქტები 23.5%
- შაქარი, ჯემი და სხვა ტკბილეული 20.0%
- თევზეული 19.0%
- ზეთი და ცხიმი 17.1%
- ხილი და ყურძენი 16.8%
- რძე, ყველი და კვერცხი 15.3%
- ყავა, ჩაი და კაკაო 14.1%
- ხორცი და ხორცის პროდუქტები 10.5%
ტრანსპორტის ჯგუფში ფასები გაიზარდა 21.6%-ით, ფასები მომატებულია პირადი სატრანსპორტო საშუალებების ექსპლუატაციაზე 29.5%, სატრანსპორტო მომსახურებაზე 6.1% და სატრანსპორტო საშუალებების შეძენაზე 3.8%
საცხოვრებელი, წყალი, ელ.ენერგია, აირი: ჯგუფში დაფიქსირდა ფასების 8.4%-ით მატება. ფასები გაიზარდა ქვეჯგუფებზე:
- საცხოვრებლის მიმდინარე მოვლა და შეკეთება 12.9%
- ელექტროენერგია, აირი და სათბობის სხვა სახეები 11.3%
- ფაქტიური გადასახადი საცხოვრებელზე 2.4%
