ლუგანსკში, ქალაქ რუბეჟნოეში რუსეთის მხრიდან დაბომბვის შედეგად ერთი ადამიანი დაიღუპა. ინფორმაციას ლუგანსკის რეგიონული სამხედრო ადმინისტრაციის ხელმძღვანელი, სერგეი გაიდაი ავრცელებს.
მისი თქმით, თავდასხმისას დაშავდა 5 ადამიანი.
"რუსებმა გუშინ დაბომბეს რუბეჟნოე, ლისიჩანსკი, პოპასნა, სევეროდონეცკი და ტოშკოვკა. დაბომბვის შედეგად დაზიანდა ორი მაღალსართულიანი შენობა და 9 კერძო სახლი. სევეროდონეცკში ცეცხლი გაუჩნდა ავტოფარეხებს, რუბეჟნოეში - აზოტის მჟავით სავსე ავზებს, პოპასნაში სრულად დაიწვა სახლის სამი სართული", - თქვა მან.
ასევე იხილეთ:
რუბეჟნოეში რუსმა ოკუპანტებმა აზოტის მჟავით სავსე ავზი ააფეთქეს
