5 ივლისის საქმეზე დაკავებულებიდან 6 პირს 1 წლით, 1-ს კი წელიწად-ნახევრით პატიმრობა მიესაჯა
გამოქვეყნდა:
თბილისის საქალაქო სასამართლოში 5 ივლისს, ჟურნალისტებზე ძალადობის საქმეზე კიდევ ერთი განაჩენი გამოცხადდა. მოსამართლე ვალერიან ბუგიანიშვილმა 7 დაკავებულიდან 6-ს 1 წლის ვადით, ხოლო ერთს - 1 წლითა და 6 თვით პატიმრობა მიუსაჯა.
მათ რეალურად სასჯელის მოხდა რამდენიმე თვით მოუწევთ, რადგან აღკვეთის ღონისძიების სახით ისედაც პატიმრობაში იმყოფებოდნენ.
პროცესზე მოსამართლემ დაკავებულების ნაწილს ძალადობის ორგანიზების მუხლი - ძალადობად გადაუკვალიფიცირა, რაც ნაკლები სასჯელის ზომას ითვალისწინებს.
დაკავებულთაგან:
- ირაკლი წიგნაძეს ბრალდება 225-ე მუხლიდან 126-ე მუხლით გადაკვალიფიცირდა და სასჯელის ზომად განესაზღვრა - 1 წელი.
- ბაქარი მაისურაძე - 225-ე მუხლი გადაკვალიფიცირდა 126 მუხლით, სასჯელის ზომად - 1 წელი
- ნიკოლოზ დადვანი - 225-ე მუხლიდან 126-ზე გადაუკვალიფიცირდა, განესაზღვრა - 1 წელი.
- მუხრან დადვანი - განესაზღვრა 1 წელი.
- თორნიკე გაბელიანი - განესაზღვრა 1 წელი.
- ვანო ბურდული - 225-ე ასევე 126-ე მუხლით გადაუკვალიფიცირდა და სასჯელის ზომად განესზღვროს 1 წელი და 6 თვე.
- დავით ქოჩიაშვილი - 225-ე მუხლიდან გადაუკვალიფიცირდა 126- მუხლის პირველ ნაწილზე და სასჯელის ზომად განესაზღვრა - 1 წელი.
ცნობისთვის, არცერთი დაკავებული, ისევე როგორც 5 ივლისის საქმეზე დაკავებული სხვა პირები დანაშაულს არ აღიარებენ. სამოქალაქო სექტორი კი დღემდე ითხოვს ორგანიზატორების დასჯას.
