ლიეტუვა და ლატვია ოკუპირებულ ცხინვალში მიმდინარე ე.წ. საპრეზიდენტო არჩევნების ლეგიტიმურობას არ აღიარებენ
გამოქვეყნდა:
ლიეტუვა ოკუპირებულ ცხინვალში მიმდინარე ე.წ. საპრეზიდენტო არჩევნების ლეგიტიმურობას არ ცნობს და მას უკანონოდ მიიჩნევს.
ამის შესახებ ლიეტუვის საგარეო საქმეთა სამინისტროს განცხადებაშია აღნიშნული:
"ლიეტუვა უკანონოდ მიიჩნევს და არ ცნობს რუსეთის მიერ ცხინვალის/სამხრეთ ოსეთის რეგიონის უკანონო ოკუპაციის პირობებში ორგანიზებული ე.წ. საპრეზიდენტო არჩევნების ლეგიტიმურობას. ლიეტუვა მხარს უჭერს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში", - ნათქვამია უწყების განცხადებაში.
ე.წ. საპრეზიდენტო არჩევნების ლეგიტიმურობას არ ცნობს ასევე ლატვია:
"ლატვია უკანონოდ მიიჩნევს და არ ცნობს რუსეთის მიერ ოკუპირებულ ცხინვალის რეგიონში 10 აპრილს გამართულ ე.წ. საპრეზიდენტო არჩევნებს. ლატვია მხარს უჭერს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრები", - ნათქვამია განცხადებაში.
ამავე თემაზე:
