რატომ უნდა მოხდეს მიხეილ სააკაშვილისთვის სასჯელის გადავადება ან მისი კლინიკაში გაყვანა | "ემპათია" ექსპერტიზის დასკვნას ამზადებს
გამოქვეყნდა:
ცენტრი "ემპათია" მესამე პრეზიდენტის ჯანმრთელობის მდგომარეობასთან დაკავშირებით ექსპერტიზის დასკვნას ამზადებს. ცენტრის ხელმძღვანელი, მარიამ ჯიშკარიანი აცხადებს, რომ დოკუმენტში დეტალურად იქნება აღწერილი, რატომაა საჭირო მესამე პრეზიდენტისთვის სასჯელის გადავადება, ან მისი კლინიკაში გაყვანა.
"ცენტრი "ემპათია" ამზადებს ექსპერტიზის დასკვნას, ეს იქნება სასამართლო ექსპერტიზის დასკვნა და ალბათ ამ დასკვნაში თვალნათლივ იქნება, თუ რატომ უნდა მოხდეს ან სასჯელის გადავადება, ან გაყვანა მიხეილ სააკაშვილის ადეკვატურ კლინიკაში.
ამჟამად მდგომარეობა არის ძალიან სავალალო და იგი საჭიროებს ინტენსიურ თერაპიას, წინააღმდეგ შემთხვევაში თანდათანობით განვითარდება კახექსიური ცვლილებები, შეუქცევადი ნეიორო-დეგენერაციული ცვლილებები და შესაძლებელია დასრულდეს ლეტალური გამოსავლით", - თქვა მარიამ ჯიშკარიანმა.
ცნობისთვის, "ემპათიას" ექსპერტებს გუშინ ციხეში მიხეილ სააკაშვილის მონახულების საშუალება არ მისცეს. მესამე პრეზიდენტთან ვერ შედის ვერც მათ მიერ მოწვეული ბრიტანელი ექსპერტი.
ასევე იხილეთ:
