ლისის ტბასთან ახალგაზრდა სათვალთვალო კამერების წინ სცემეს - სახელმწიფო მოქალაქე კალმახელიძის წინააღმდეგ
გამოქვეყნდა:
დღისით, მზისით, ახალგაზრდა მამაკაცი სათვალთვალო კამერების წინ უმოწყალოდ სცემეს, მოძალადეებმა კი ტერიტორია დაბურულმინებიანი პიკაპით დატოვეს და მიიმალნენ. ეს საქმე არათუ არავის გამოუძიებია და უპოვია მოძალადეები, მეტიც - ნაცემ მოქალაქეს დაზარალებულის სტატუსიც კი არ მიანიჭეს.
ყველაფერი კი სახელმწიფო ტენდერით დაიწყო, სადაც დავით კალმახელიძე ქვეკონტრაქტორად შევიდა. ჯერ კერძო კომპანიამ მოატყუა, სახელმწიფომ კი მოგებული სასამართლო დავების მიუხედავად, მაინც ამ მეწარმეს წაართვა ყველაფერი და გაკოტრებისთვის გაწირა, მხოლოდ იმის გამო რომ "ზევით" პატრონი არ აღმოაჩნდა.
უსამართლობის გამოსააშკარავებლად ამ ადამიანმა სოციალურ ქსელში ჯგუფი შექმნა და სისტემის მხილებას შეუდგა. შედეგად, ის სასიკვდილოდ გაიმეტეს და სამუდამოდ გაჩუმება ურჩიეს.
