ჯონსონის წერილი დეპუტატებს - ბრიტანეთის პარლამენტში პრემიერმინისტრისთვის უნდობლობის გამოცხადებას კენჭს უყრიან
გამოქვეყნდა:
ამ წუთებში ბრიტანეთის პარლამენტში დეპუტატებს პრემიერმინისტრი ბორის ჯონსონი მიმართავს. დღეს 6 ივნისს თანაპარტიელები ჯონსონისთვის უნდობლობის გამოცხადებას უყრიან კენჭს. საქმე ეხება Partygate-ის სკანდალს, რომელიც პრემიერმინისტრის რეზიდენციაში 2020 წელს კოვიდრეგულაციების დარღვევით გამართულ წვეულებებს უკავშირდება.
ამ დროისთვის ცნობილია:
- კენჭისყრა ადგილობრივი დროით 18:00 საათზე დაიწყო. მისი ჩატარება სულ მცირე, 54-მა დეპუტატმა, საპარლამენტო პარტიის 15%-მა მოითხოვა.
- შედეგები 21:00 საათზე გამოცხადდება. ბორის ჯონსონი პარტიის ლიდერობისა და პრემიერმინისტრობის პოსტს იმ შემთხვევაში დატოვებს თუ უმრავლესობა, ანუ 180 დეპუტატი ამას მხარს დაუჭერს.
- განხილვის დაწყებამდე პრემიერმინისტრმა დეპუტატებს წერილი მისწერა და მათ მხარდაჭერა სთხოვა. წერილში ჯონსონი აღნიშნავდა, ეს "დაასრულებს მედიის საყვარელ აკვიატებას" და ნებას მისცემს მას "გააგრძელოს თავისი საქმე".
- მინისტრთა კაბინეტის წევრების უმრავლესობამ განაცხადა, რომ ისინი ჯონსონს მხარს დაუჭერენ, თუმცა ჯანდაცვის ყოფილმა მინისტრმა ჯერემი ჰანტმა, რომელიც BBC-ის ინფორმაციით, პარტიის ლიდერობის შესაძლო კანდიდატად მოიხსენიება, თქვა, რომ მხარს დაუჭრს "ცვლილებებს".
კოვიდრეგულაციების დარღვევის გამო, ჯონსონს შესაძლოა, უნდობლობა გამოუცხადონ
