"ქართული ოცნების" დეპუტატის, მიხეილ ყაველაშვილის აზრით, ევროპარლამენტარების მიერ გაჟღერებული განცხადებები არ შეესაბამება სიმართლეს და იმ რეალობას, რაც დღეს ქვეყანაშია. ასე ეხმაურება ის გუშინ ევროპარლამენტში გამართულ დებატებს, სადაც ხელისუფლება არაერთმა დეპუტატმა გააკრიტიკა.
"ეს ინფორმაციები, რა ინფორმაციებსაც ეს ადამიანები აჟღერებდნენ, აბსოლუტურად განსხვავებული რეალობაა საქართველოში. ევროპარლამენტი როცა ასეთ შეფასებას გააკეთებს არსებულ, დღევანდელ რეალობაზე, ხომ ესე იგი დასაფიქრებელია, რომ გვინდა რომ ამ ადამიანებს სრულყოფილად მიეწოდებოდეს სიმართლე და რაც მართლა რეალობაში არსებობს ამ ქვეყანაში ის გააჟღერონ. სამწუხაროდ, არ შეესაბამება სიმართლეს, ასე განვაცხადებ, მათი შეფასებები არსებულ რეალობაზე", - თქვა მიხეილ ყაველაშვილმა.
იხილეთ განცხადებების ნაწილი:
- "ბიძინა ივანიშვილი არის ოლიგარქი, რომელიც კავშირშია კრემლთან და სანქციები უნდა დავადოთ" | მარკეტა გრეგოროვა
- "საქართველოს ევროპული გზის მხარდასაჭერად მნიშვნელოვანია, სანქციები დაუწესდეს ივანიშვილს" | ლექსმანი
- "ნიკა გვარამიას საქმე კანონის უზენაესობის დარღვევის ძალიან თვალსაჩინო მაგალითია" | კრამონი
- "საქართველოში არის პრობლემები... ქვეყანამ დემოკრატიული რეფორმების თვალსაზრისით თავისი ტემპი დაკარგა" | მარინა კალიურანდი
- "საქართველოს ევროინტეგრაციაში დიდი წვლილი შეიტანეს მიხეილ სააკაშვილმა და ნიკა გვარამიამ, რომელიც დღევანდელი დებატების ერთ-ერთი სუბიექტია..." | ანნა ფოტიგა
