"არ არსებობს მათზე პროვოკატორი, ანტიეროვნული, ანტიევროპული და საქართველოს წინააღმდეგ ჰიბრიდული ომის მწარმოებელი ხალხი" | მდინარაძე ოპოზიციაზე

"არ არსებობს მათზე [ოპოზიციაზე] პროვოკატორი, ანტიეროვნული, ანტიევროპული და საქართველოს წინააღმდეგ ჰიბრიდული ომის მწარმოებელი ხალხი" - ამის შესახებ "ქართული ოცნების" წევრი მამუკა მდინარაძე Facebook-ზე წერს. ის ეხმაურება ვატო წერეთელზე თავდასხმას და სწორედ ამ კონტექსტში ლანძღავს ოპოზიციას და კრიტიკულ მედიას. 

მხოლოდ ორი ვერსია გვაქვს:

ვერსია 1: წერეთელმა უმძიმესი შეურაცხყოფა მიაყენა ანრი ოხანაშვილს (დედის გინება ყველაზე ბინძური და ამაზრზენი ფორმით), გაეცალა მყისიერად და ძალიან მალე თანმხლებ ახალგაზრდა ქალთან ერთად, ჭიქით ხელში კვლავ მიუახლოვდა, რითაც ის შეგნებულად, ამერიკის საელჩოს ტერიტორიაზე(!), წავიდა უმძიმეს პროვოკაციაზე, რასაც საბოლოოდ მათ შორის დაპირისპირება მოყვა.

ვერსია 2: ამერიკის საელჩოში მიღებაზე სტუმრად მისულმა ოთხმა დეპუტატმა, დაინახეს რა ტვ1-ს დამფუძნებელი ვახტანგ წერეთელი, მივარდნენ მას და უმიზეზოდ, ყოველგვარი ახსნა-განმარტების გარეშე მიაყენეს ფიზიკური და სიტყვიერი შეურაცხყოფა.

დასკვნები უმარტივესი გამოსატანია!...

როგორი მართალიც არის მეორე ვერსია, ისეთივე მართლები არიან სულ ნაციონალური მოძრაობის და მათი ტელევიზიების ლიდერები.

ასევე უნდათ საქართველოს ევროპულ ოჯახში გაწევრიანება.

ასევე განიცდიან თავისი სამშობლოს ტკივილს.

ასეთივე სიმართლით იბრძვიან...

სინამდვილეში კი, არ არსებობს მათზე პროვოკატორი, ანტიეროვნული, ანტიევროპული და საქართველოს წინააღმდეც ჰიბრიდული ომის მწარმოებელი ხალხი (იხ. ვერსია და სიმართლე #1)!, - წერს მდინარაძე. 

• "შეგნებულად, აშშ-ის საელჩოს ტერიტორიაზე(!), წავიდა უმძიმეს პროვოკაციაზე, რასაც დაპირისპირება მოყვა" | მდინარაძე ვატო წერეთელზე
• ვატო წერეთელზე თავდასხმა | აშშ-ის საელჩოს განცხადება
• "შემაგინა, ხელი გამომიქანა და სანამ აზრზე მოვედი, ჭიქა მესროლეს..." | ვატო წერეთელი დეპუტატების მხრიდან თავდასხმის დეტალებზე