დიდი ბრიტანეთის საგარეო საქმეთა მინისტრი, ლიზ ტრასი ქვეყნის პრემიერმინისტრობისა და კონსერვატიული პარტიის ლიდერობისთვის იბრძოლებს.
"მე თავს ვაყენებ წინ, რადგან შემიძლია ლიდერობა და მკაცრი გადაწყვეტილებების მიღება. მე მაქვს მკაფიო ხედვა იმის შესახებ, თუ სად უნდა ვიყოთ, ასევე გამოცდილება იმისთვის, რომ მივაღწიოთ მიზნამდე", - ვკითხულობთ ტრასის განცხადებაში.
ამჟამად ბრიტანეთის პრემიერმინისტრობისთვის 11 კანდიდატი იბრძვის. მათი უმეტესობა დაპირებებს გადასახადების შემცირებაზე გასცემს. კანდიდატები პირობას დებენ, რომ შეამცირებს გადასახადებს ფიზიკურ პირებზე, ბიზნესზე ან ორივეზე. არჩევნების პროცესს რამდენიმე კვირა დასჭირდება.
ვინ არის 11 კანდიდატი, რომელიც პარტიის ლიდერობისა და შესაბამისად, პრემიერმინისტრობისთვის იბრძვის:
- კემი ბადენოჩი - თანასწორობის ყოფილი მინისტრი
- სუელა ბრავერმენი - გენერალური პროკურორი
- რეჰმან ჩიშტი - ახლად დანიშნული საგარეო საქმეთა მინისტრი
- ჯერემი ჰანტი - ჯანდაცვის ყოფილი მდივანი
- საჯიდ ჯავიდი - ჯანდაცვის ყოფილი მდივანი
- პენი მორდაუნტი - ვაჭრობის მინისტრი
- გრანტი შაფსი - ტრანსპორტის მდივანი
- რიში სუნაკი - ყოფილი კანცლერი
- ლიზ ტრასი - საგარეო საქმეთა მდივანი
- ტომ ტუგენდატი - პარლამეტარი
- ნადჰიმ ზაჰავი - კანცლერი.
დიდი ბრიტანეთის პრემიერმინისტრმა, ბორის ჯონსონმა თანამდებობა გასულ კვირას დატოვა.
