ივანიშვილის გამოჩენით, უნდა ვივარაუდოთ, რომ ვაშინგტონზე თავდასხმის ხაზის გაგრძელება მოხდება - ხიდაშელი

თავდაცვის ყოფილი მინისტრი, თინა ხიდაშელი ამბობს, რომ ყოფილი პრემიერის გამოჩენა, სავარაუდოდ "ოცნებიდან" წასული სამეულის მიერ დასავლეთზე თავდასხმების ხაზის გაგრძელებაზე მიანიშნებს. მისი თქმით, წასული დეპუტატები პირდაპირ ვაშინგტონს დაესხნენ თავს, რაც აქამდე არ მომხდარა.

"ამ ქვეყანაში ყველას ძალიან კარგად აქვს გაცნობიერებული ვინ არის რეალური მმართველი და როდესაც კრიზისული ვითარებები არის ურჩევნიათ რეალურ მმართველებს ელაპარაკონ პირდაპირ, ვიდრე მათ ხელის ბიჭებს, ამიტომ აქაც არაფერი გასაკვირი არ არის. პირველად ისინი პირდაპირ თავს დაესხნენ ვაშინგტონს, უკვე კელი დეგნანი აღარ იყო მათი შეტევის ობიექტი, ან რომელიმე სხვა ელჩი, ისინი პირდაპირ თავს დაესხნენ ვაშინგტონს, ასეთი რამე აქამდე არ მომხდარა და როდესაც ამ ფონზე ხდება ბიძინა ივანიშვილის გამოჩენა, უნდა ვივარაუდოთ, ჯერ ჯერობით მხოლოდ ვივარაუდოთ, რომ სწორედ ამ ხაზის გაგრძელება მოხდება", - ამბობს ხიდაშელი. 

ცნობისთვის, ივანიშვილმა დღეს გავრცელებულ წერილში დაწერა, რომ უკრაინაში ომის დაწყების შემდეგ, 21 მარტს, საქართველოში აშშ-ის ელჩთან შეხვედრა ჰქონდა, რომლის ინიციატორიც კელი დეგნანი იყო. შეხვედრასთან დაკავშირებით თავდაპირველად "ოცნებიდან" წამოსულმა დეპუტატმა, მიხეილ ყაველაშვილმა ისაუბრა. მან განცხადება გაავრცელა, სადაც ეწერა, რომ აინტერესებდა, "ხომ არ ყოფილა შეხვედრა კელი დეგნანსა და ბიძინა ივანიშვილს შორის უკრაინის ომის დაწყების შემდეგ?". ეს კითხვა მოგვიანებით "ოცნების" კიდევ ერთმა ყოფილმა წევრმა, დიმიტრი ხუნდაძემ გააჟღერა:

იხილეთ ასევე: 

• "ოცნებამ" პრინციპული პოზიცია დაიკავა და ომის საფრთხის პირველი ეტაპი უკვე გადალახა - ივანიშვილი;
• ბიძინა ივანიშვილი განცხადებას ავრცელებს;
• ჩემ პირად საკითხზე თავად ვიზრუნებ, ამით საზოგადოების ზედმეტად დატვირთვას არ შევეცდები - ივანიშვილი Credit Suisse-ზე;
• აშშ-ის ელჩთან შეხვედრა, ელჩის თხოვნით, 21 მარტს ნამდვილად შედგა და დაახლოებით 3 საათს გაგრძელდა - ივანიშვილი;
• ივანიშვილიც ამტკიცებს, რომ საქართველოს ომში ჩათრევის სურვილი და მიზანი დღესაც აქტუალურია.