თქვენ იცით, რომ ის ცუდად იქნება? შეიძლება ძალიან კარგად არის ხო? - ბრეგაძე მიხეილ სააკაშვილზე
გამოქვეყნდა:
ჩვენთან ერთად მოიპოვეთ თავისუფლება!
სასჯელის გადავადებაზე და სასჯელისგან გათავისუფლებაზე გადაწყვეტილებას იღებს სასამართლო და არა იუსტიციის სამინისტრო - აცხადებს იუსტიციის მინისტრი ბრეგაძე მიხეილ სააკაშვილთან დაკავშირებით დასმული შეკითხვის პასუხად.
კითხვაზე, იმ შემთხვევაში თუ ექსპერტიზის პასუხი იქნება, რომ მესამე პრეზიდენტის ჯანმრთელობა ხელს უშლის სასჯელის მოხდას, რა პოზიცია ექნება იუსტიციას, ბრეგაძე პასუხობს:
"მსგავსი ტიპის დასკვნა და თან რატომღაც თქვენ ეგრევე საუბრობთ ნეგატიურ კონტექსტში, რომ თუ ის იქნება ცუდად, თქვენ იცით, რომ ის ცუდად იქნება? შეიძლება ძალიან კარგად არის ხო? და არ აქვს რაიმე ისეთი ჯანმრთელობის სერიოზული პრობლემა. დასკვნა შეიძლება იყოს ორგვარი, ან სამგვარი თქვენ ავტომატურად საუბრობთ ყველაზე ცუდ და ნეგატიურ სცენარზე, ჩვენ არ ვსაუბრობთ მსგავსი ტიპის სცენარზე და კიდევ ერთხელ გიმეორებთ, როგორიც არ უნდა იყოს დასკვნა, ამ შემთხვევაში, სასჯელისგან გათავისუფლებაზე, ან სასჯელის გადავადებაზე, გადაწყვეტილებას იღებს სასამართლო და არა იუსტიციის სამინისტრო" ამბობს ბრეგაძე.
დღეს მან მიხეილ სააკაშვილისთვის ახალი, დამოუკიდებელი ექსპერტიზის ჩატარებაც დააანონსა.
