ბელარუსის მარგინალიზებული “ლიდერის” სამარცხვინო ნაბიჯი - კვირიკაშვილი ლუკაშენკოს ოკუპირებულ აფხაზეთში ჩასვლაზე
გამოქვეყნდა:
საქართველოს ექსპრემიერი, გიორგი კვირიკაშვილი ოკუპირებულ აფხაზეთში ბელარუსის პრეზიდენტის ალექსანდრ ლუკაშენკოს ვიზიტს ეხმაურება.
კვირიკაშვილი ლუკაშენკოს ნაბიჯს სამარცხვინოს უწოდებს:
"ბელარუსის მარგინალიზებული “ლიდერის”, ლუკაშენკოს სამარცხვინო ნაბიჯი - იმოქმედოს როგორც რუსეთის სახელმწიფოს კიდევ უფრო მარგინალიზებული ჩაძირული მეთაურის, პუტინის მარიონეტმა. ვერავინ შეცვლის ქართველებისა და აფხაზების ბედს მშვიდობიანად იცხოვრონ ერთიან საქართველოში - იმედია უფრო ადრე, ვიდრე გვიან", - წერს გიორგი კვირიკაშვილი.
ცნობისთვის, დღეს 28 სექტემბერს ბელარუსის პრეზიდენტი ალექსანდრ ლუკაშენკო ოკუპირებულ აფხაზეთში ჩავიდა და ე.წ. პრეზიდენტს, ასლან ბჟანიას შეხვდა.
აღნიშნულთან დაკავშირებით, ბელარუსის ელჩი დღეს საქართველოს საგარეო საქმეთა სამინისტროში დაიბარეს.
