შარლ მიშელის წერილი და პარტნიორების მკაფიო პოზიცია ნიკა გვარამიას საქმეზე. "მთავარი არხის" გენერალური დირექტორი პოლიტპატიმარია - ასე მიიჩნევენ ევროპულ საბჭოში. დასავლეთმა იცის, რომ არხის დამფუძნებელი ციხეში არა კრიმინალური დანაშაულისთვის გამოკეტეს, არამედ წინააღმდეგობისა და ხელისუფლების კრიტიკისთვის.
წერილს შარლ მიშელის ავტორობით უკვე მოჰყვა მწვავე რეაქცია სახელისუფლო კლანში - "ქართული ოცნება" პარტნიორებს საქართველოს შიდა საქმეებში ჩარევას არ ურჩევს. ოპოზიციამ კი წერილის შინაარსი მოიწონა, რადგან პოლიტიკოსები თანხმდებიან, რომ პარტნიორები ხელისუფლების უკანონო გადაწყვეტილებების ღია მხილებაზე გადავიდნენ.
