ბელარუსული სამთავრობო "ბელტას" ინფორმაციით, ალექსანდრე ლუკაშენკო ადასტურებს, რომ ის და პუტინი შეთანხმდნენ რეგიონული საჯარისო ფორმირებების ერთობლივ განთავსებაზე.
გადაწყვეტილება, სავარაუდოდ, სანქტ-პეტერბურგში დსთ-ს არაფორმალური სამიტისას გამართული პირისპირ შეხვედრის შემდეგ მიიღეს.
„დასავლეთ საზღვრებზე ესკალაციასთან დაკავშირებით, ჩვენ შევთანხმდით რუსეთის ფედერაციისა და ბელარუსის რესპუბლიკის ერთობლივი რეგიონული ჯგუფების განლაგებაზე.“, - განაცხადა ლუკაშენკომ.
მისივე თქმით, უკვე დაწყებულია ჯგუფის ჩამოყალიბება.
