გაყალბებული დოკუმენტი და შეუსაბამობები გამოძიებაში | ვაკის პარკის ტრაგედია, სავარაუდოდ, საფინანსო სკანდალით გაგრძელდება
გამოქვეყნდა:
კიდევ უფრო მეტი კითხვის ნიშანი და შეუსაბამობა. გამოძიების ვერსია და კონკრეტული პირების დაკავება აჩენს ეჭვს, რომ ვაკის პარკის ტრაგედია, საფინანსო სკანდალით გაგრძელდება. ირკვევა, რომ გრინსერვის პლუსმა და მშენ-ექსპერტმა დასკვნა მას შემდეგ გააყალბეს, რაც შესრულებული სამუშაოების ხარჯთაღრიცხვა ფურცხვანიძის კომპანიასა და მერიას შორის გაფორმებული ხელშეკრულების მოთხოვნებს ვერ პასუხობდა.
გამოძიების მომდევნო ეტაპზე უნდა დადგინდეს, რეალურად დაიხარჯა თუ არა შადრევნის კასკადის რეაბილიტაციაზე 3 მილიონი თუ თანხის ნაწილი კონკრეტული პირების ჯიბეში წავიდა, რის გამოც სამუშაოები უხარისხოდ შესრულდა.
