რძლის დაჭრაში ბრალდებულ კაცს ქუთაისის საქალაქო სასამართლომ ორთვიანი წინასწარი პატიმრობა შეუფარდა.
შუახნის მამაკაცმა რძალი წყალტუბოს მუნიციპალიტეტის სოფელ საყულიაში ცივი იარაღით 18 ოქტომბერს დაჭრა. ინციდენტი მაშინ მოხდა, როდესაც ქალი სამ მცირეწლოვან შვილთან ერთად, ქმრის საფლავზე იმყოფებოდა.
დაჭრილი ქალი საავადმყოფოში გადაიყვანეს, სადაც მას ოპერაცია ჩაუტარდა და მის სიცოცხლეს ამ ეტაპზე საფრთხე არ ემუქრება.
გამოძიება ოჯახური ძალადობის ნიადაგზე ჩადენილი ჯანმრთელობის განზრახ მძიმე დაზიანების ფაქტზე, საქართველოს სისხლის სამართლის კოდექსის 11 პრიმა 117-ე მუხლით მიმდინარეობს.
ამავე თემაზე:
- მოძალადე მამამთილი დაკავებულია | რა მოხდა წყალტუბოს მუნიციპალიტეტში
- პროკურატურამ ბრალი წარუდგინა კაცს, რომელმაც წყალტუბოში რძალი დაჭრა
- მეუღლის საფლავზე გავიდა 3 შვილთან ერთად, მამამთილმა გაიგო და მიუვარდა - დაჭრა წყალტუბოში
- 2 თვის წინ გამოიცა შემაკავებელი ორდერი ამ პირის მიმართ | მამამთილის მიერ დაჭრილი ქალის ადვოკატი
- წყალტუბოს მუნიციპალიტეტში მამამთილმა რძალი დაჭრა
