ევროკავშირი რუსეთს მოუწოდებს, დაუბრუნდეს "მარცვლეულის ექსპორტის'' შეთანხმებას. ამის შესახებ ევროკავშირის უმაღლესი წარმომადგენელი, ჯოზეფ ბორელი twitter-ზე წერს.
მისი თქმით, კრემლის გადაწყვეტილება, მარცვლეულის შეთანხმებიდან გასვლის შესახებ რისკის ქვეშ აყენებს მარცვლეულის ექსპორტის მთავარ მარშრუტს.
"რუსეთის გადაწყვეტილება შეაჩეროს შეთანხმება, საფრთხეს უქმნის მარცვლეულისა და სასუქების ძირითად საექსპორტო გზას, უკრაინის წინააღმდეგ ომით გამოწვეული გლობალური სასურსათო კრიზისის მოსაგვარებლად.
ევროკავშირი მოუწოდებს რუსეთს, უკან წაიღოს გადაწყვეტილება", – ამბობს ბორელი
ცნობისთვის, რუსეთი მარცვლეულის ექსპორტის შესახებ შეთანხმებიდან გადის და აცხადებს, რომ გადაწყვეტილება სევასტოპოლში, შავი ზღვის ფლოტის გემებზე "თავდასხმების" შემდეგ მიიღო.
შეგახსენებთ, უკრაინასა და რუსეთს შორის შეთანხმება მარცვლეულის ექსპორტზე, გაერო-სა და თურქეთის შუამავლობით 22 ივლისს გაფორმდა.
იხილეთ ასევე:
- მოვუწოდებ ყველა სახელმწიფოს, მოსთხოვონ რუსეთს შეწყვიტოს შიმშილის თამაშები - კულება
- ხორბლის ექსპორტის შეჩერებით, რუსეთი ამბობს, რომ ადამიანები შიმშილით უნდა დაიხოცონ - ბლინკენი
- ახლა საჭიროა ძლიერი საერთაშორისო რეაგირება როგორც გაეროს, ისე G20-ის დონეზე - ზელენსკი რუსეთის სასურსათო შეთანხმებიდან გასვლაზე
