შეურაცხყოფა მიაყენეს ყველა საქართველოს მოქალაქეს, ვინც თავისი ნებით იცავს ჩვენ თავისუფლებას - ბოკერია ღარიბაშვილზე
გამოქვეყნდა:
"ევროპული საქართველოს" ლიდერი, გიგა ბოკერია პრემიერმინისტრის დღევანდელ განცადებას ეხმაურება და ამბობს, რომ მან შეუარაცხყოფა მიაყენა ყველა საქართველოს მოქალაქეს, ვინც თავისი ნებით იცავს თავისუფლებას მსოფლიოში და ჩვენი ქვეყნის თავისუფლებას უკრაინაში ბრძოლით.
ბოკერიას თქმით, მმართველ გუნდს "ისეთი შეტოპილი" აქვს პუტინისტურ პროპაგანდაში, რომ სამძიმრის თქმის ინსტიქტი თავად არ ჰქონიათ - "უფრო მეტიც, როგორც ჩანს, აკრძალული ჰქონდა მთელ გუნდს, რომ ამ საკითხზე საჯარო თანაგრძნობის პოზიცია ჰქონიათ".
"გამოიყენეს ეს სამძიმარი ამ მოღალატეობრივი აზრისთვის, თითქოს ახლა მათი ეს მოღალატეობრივი პოზიციაა, რაც გადაგვარჩენს და არა გაძლიერება, რასაც უნდა აკეთებდეს დღეს ხელისუფლება, როცა უნდა მუშაობდეს ევროკავშირში გაწევრიანებაზე, აშშ-სთან უსაფრთხოების სფეროში თანამშრომლობაზე, რომ დაცულები ვიყოთ. ამის მაგივრად, სრულიად საპირისპირო, მოღალატეობრივი გზით მიდიან და პლუს დამატებითი შეურაცხყოფა მიაყენეს ყველა საქართველოს მოქალაქეს, ვინც თავისი ნებით იცავს თავისუფლებას მსოფლიოში და ჩვენი ქვეყნის თავისუფლებას უკრაინაში ბრძოლით, თითქოს მათ პოლიტიკური ოპოზიცია აორგანიზებს და მიჰყავთ ომში, ანუ მათ კი არ აქვთ ამის თავისუფალი ნება, სხვები აორგანიზებენ ამას. ეს არის პოლიტიკური არარაობებისა და ნაძირლების გზავნილი რაც დღეს მოვისმინეთ", - გიგა ბოკერიამ.
იხილეთ ღარიბაშვილის განცხადებები:
