ჩვენთან ერთად მოიპოვეთ თავისუფლება!
ნინო ლომჯარია პოსტიდან მიდის. სახალხო დამცველს კანონით გათვალისწინებული ხუთწლიანი ვადა ამოიწურა და ომბუდსმენის რანგში დღეს მან ბოლოჯერ უპასუხა მედიის კითხვებს. ჯერჯერობით არ არის ცნობილი ვინ შეცვლის ლომჯარიას დამცველის პოსტზე. პროცესი პარლამენტში შეფერხებით მიმდინარეობს.
თავად ლომჯარიას შეფასებით, სასიცოცხლოდ აუცილებელია, რომ ხელისუფლებამ, რომელზეც დამოკიდებულია ეს პროცესი, მიიღოს დემოკრატიული გადაწყვეტილება და ომბუდსმენად აირჩიოს ადამიანი, ვინც პოლიტიკური გავლენების გარეშე ემსახურება ადამიანის უფლებების დაცვას. სწორედ ადამიანის უფლებები იყო კიდევ ერთი მთავარი თემა მის დღევანდელ ანგარიშში და განსაკუთრებით პოლიტიკურ ჭრილში.
