კრემლის პრესსპიკერმა, დიმიტრი პესკოვმა განაცხადა, რომ პრეზიდენტი ვლადიმირ პუტინი წლის ბოლოს ყოველწლიურ პრესკონფერენციას არ გამართავს. რა გახდა ათწლეულების ტრადიციის დარღვევის მიზეზი, მას არ დაუკონკრეტებია.
მან ჟურნალისტებს უთხრა, რომ - "წინასაახალწლოდ [პრესკონფერენცია] არ იქნება".
მისი თქმით, პუტინი "რეგულარულად საუბრობს პრესასთან, მათ შორის უცხოურ ვიზიტებზეც".
ცნობისთვის, ნოემბერში მედია წერდა, რომ პრესკონფერენცია არ იგეგმებოდა, გაუქმების მიზეზად კი "ფრონტზე არსებული ვითარება" სახელდებოდა.
