"პრემიერმა ღარიბაშვილმა თავისი სიცრუით და ცილისწამებით ახალი სიმაღლეები დაიპყრო" | ბადრი ჯაფარიძის პასუხი ღარიბაშვილს
გამოქვეყნდა:
"პრემიერმა ღარიბაშვილმა თავისი სიცრუით და ცილისწამებით ახალი სიმაღლეები დაიპყრო" - ასე პასუხობს "ლელო საქართველოსთვის" ლიდერი ბადრი ჯაფარიძე ირაკლი ღარიბაშვილის დღევანდელ განცხადებებს და ბრალდებებს ანაკლიის პროექტთან დაკავშირებით.
ის რომ დღეს ჩვენს ქვეყანას ჰყავს ცილისმწამებელი და მატყუარა ხელისუფლება, ეს უკვე დადასტურებული ფაქტია, მაგრამ დღეს პრემიერმა ღარიბაშვილმა თავისი სიცრუით და ცილისწამებით ახალი სიმაღლეები დაიპყრო ამ მიმართულებით. ეს ერთი ტყუილი, რომელიც მან დღეს გააჟღერა, თითქოს ინვესტიცია იყო 25 მილიონი და არა 75.
მეორე დიდი ტყუილი, რაც მან თქვა, თითქოს ხაზარაძემ და ჯაფარიძემ განახორციელეს 3 მილიონის ინვესტირება, სინამდვილეში ეს არის 40 მილიონი დოლარის ინვესტირება, რაც ასევე დადასტურებულია. ჩვენ შევთანხმდით იმაზე, რომ ევროკავშირი უზრუნველყოფდა ანაკლიის პროექტისათვის 50 მილიონი ევროს გარანტიას, ოღონდ ამ გარანტიას უზრუნველყოფდა თუკი სახელმწიფოც უზრუნველყოფდა 50 მილიონის გარანტიას და თუკი ინვესტორები, ანუ ჩვენ უზრუნველვყოფდით 50 მილიონი დოლარის გარანტიას. რაზეც ჩვენ თანხმობა მივეცით და მთავრობამ თქვა უარი მიუხედავად იმისა, რომ კონსორციუმი მზად იყო ამ 50 მილიონი გარანტიის სანაცვლოდ უზრუნველყოფა მიეცა მთავრობისთვის, - განაცხადა ჯაფარიძემ.
იხილეთ ასევე:
