"აუცილებელია, მიხეილ სააკაშვილის საკითხი გადაწყდეს პოზიტიურად..." - ასე მიმართავს ევროპარლამენტარი სვენ მიქსერი საქართველოს ხელისუფლებას ევროპარლამენტის ტრიბუნიდან.
"მიხეილ სააკაშვილის ჯანმრთელობა უარესდება ყოველდღიურად... ვთვლი, რომ აუცილებელია სააკაშვილის საკითხი გადაწყდეს პოზიტიურად" - თქვა მიქსერმა.
საქართველოს შესახებ დებატებზე მან ნიკა გვარმიას საქმესთან დაკავშირებითაც ისაუბრა და განაცხადა, რომ ობუდსმენის ანგარიშში "მთავარი არხის" გენერალურ დირექტორთან დაკავშირებით წერია, რომ "სასამართლო საკითხი არ ექვმდებარება არანაირ იურიდიულ ნორმას და ეს ასახავს კანონმდებლობისა და სასჯელაღსრულების სისტემის მდგომარეობას საქართველოში".
