ეუთოს [OSCE] გენერალური მდივანი, ჰელგა მარია შმიდი მიიჩნევს, რომ რუსეთის წევრობას ორგანიზაციაში ჯერ კიდევ აქვს აზრი. ამის შესახებ, უკრაინული მედიის ცნობით, მან Welt-თან ინტერვიუში განაცხადა.
"ყოველ შემთხვევაში, დღევანდელი გადმოსახედიდან, ვფიქრობ, აზრი აქვს, რომ რუსეთი დარჩეს ეუთოს წევრად", - თქვა მან.
ეუთო-დან რუსეთის გარიცხვის შესახებ მოწოდება უკრაინის საგარეო საქმეთა მინისტრმა გააკეთა.
"ერთ დღეს ჩვენ კვლავ დაგვჭირდება საკომუნიკაციო არხები", - თქვა შმიდმა.
მისი თქმით, ეუთო არის ერთადერთი უსაფრთხოების ორგანიზაცია, რომელშიც ყველა, ვინც მნიშვნელოვანია ევროპის უსაფრთხოების არქიტექტურისთვის, ერთ მაგიდასთან ზის.
