რა სამართლებრივი შედეგების მომტანი იყო სააკაშვილის დღევანდელი პროცესი? - ადვოკატები დარწმუნებით ამბობენ, რომ მოწმეებისგან მოსამართლემ მიიღო ამომწურავი ინფორმაცია მესამე პრეზიდენტის ჯანმრთელობის მდგომარეობისა და მისთვის სასჯელის გადავადების არგუმენტების შესახებ.
პროკურატურა და პენიტენციური სამსახური საწინააღმდეგოს ვერ ამტკიცებენ. ბრალდების მხარე მხოლოდ იმის დამტკიცებას ცდილობს, რომ მესამე პრეზიდენტის გამოჯანმრთელება საქართველოშიც არის შესაძლებელი. არადა ფაქტია, რომ სააკაშვილი სწორედ იმ პირობებში დამძიმდა, რა პირობებშიც "ქართულ ოცნებას" მისი ეგრეთ წოდებული მკურნალობის გაგრძელება სურს.
