მესამე პრეზიდენტის გამოცხადებული სიკვდილის ქრონიკამ ციხისა თუ საავადმყოფოს საკნებიდან სასამართლო დარბაზში გადაინაცვლა. პროცესზე, რომელზეც გადაჭარბების გარეშე შეგვიძლია ვთქვათ, რომ პატიმრის ჯანმრთელობაა დამოკიდებული, კარგად გამოჩნდა, ვის ხელშია დაპატიმრებული პრეზიდენტი და გამოჩნდა ისიც, როგორ უდგება სისტემა ზოგადად ადამიანების სიცოცხლეს.
ერთი რეპლიკიდანაც კი კარგად წაიკითხავდით სტალინური დიქტატის სულისკვეთებას, რომელიც ერთეული ადამიანების სიკვდილს არაფრად აგდებს, ათასებს კი უბრალო სტატისტიკად მიიჩნევს. როგორც ამ ეტაპზე ჩანს, პროცესის გასაჭიანურებლად ხელისუფლება ძალისხმევას არ დააკლებს. არადა სააშკარაოზე გამოდის ის მძიმე მდგომარეობა, რომელშიც ახლა მესამე პრეზიდენტი იმყფოება, და რომლის წარმოჩენასაც ახლა სისტემა უმნიშვნელო პრობლემად ცდილობს.
