მაკრონი საფრანგეთის სამხედრო ხარჯებს ბიუჯეტის მესამედზე მეტით ზრდის - ამის შესახებ ინფორმაციას საერთაშორისო მედია Reuters ავრცელებს.
2019-2025 წლებში ბიუჯეტი 295 მილიარდი ევროა, ხოლო 2030 წლისთვის საფრანგეთის სამხედრო ბიუჯეტი 413 მილიარდ ევრომდე გაიზრდება.
გამოცემის ცნობით, მაკრონმა სამხედრო ხარჯებზე გამოყოფილი თანხები გაზარდა, რათა საფრანგეთის არმია გაუმკლავდეს ამ საუკუნის დიდ საფრთხეებს. მაკრონის თქმით, 2024-2030 წლის ბიუჯეტი შეიარაღებული ძალებს მაღალი ინტენსივობის კონფლიქტებისთვის ადაპტაციის საშუალებას მისცემს, რაც უკრაინაში რუსეთის შეჭრის შემდეგ უფრო აქტუალური გახდა.
„რადგან ომის წარმართვა იცვლება, საფრანგეთს ჰყავს და ეყოლება ჯარები მზად საუკუნის საფრთხისთვის“, - თქვა მაკრონმა სამხრეთ-დასავლეთ საფრანგეთში, მონ-დე-მარსანის საჰაერო ბაზაზე საუბრისას.
მაკრონმა აღნიშნა, რომ საფრანგეთი დიდ ინვესტიციას განახორციელებს უპილოტო თვითმფრინავებში და სამხედრო დაზვერვაში, რაიონებში, სადაც ფრანგი ოფიციალური პირები ამბობენ, რომ ბოლოდროინდელმა კონფლიქტებმა ხარვეზები გამოავლინა.
