"ქართული ოცნების" საგარეო პოლიტიკის კრახი და სამარცხვინო დუმილი. ოკუპირებული აფხაზეთის დე ფაქტო პრეზიდენტი ბელარუსშია. ალექსანდრ ლუკაშენკომ ასლან ბჟანია პრეზიდენტის სასახლეში მიიღო. პუტინის უახლოესი მოკავშირეების დიალოგის ერთ-ერთი თემა ოფიციალური თბილისი იყო.
მიუხედავად იმისა, რომ ევროპის უკანასკნელი დიქტატორი არ მალავს უკმაყოფილებას და არც კრიტიკას ერიდება საქართველოს მისამართით, "ოცნების" ხელისუფლებისთვის უკმაყოფილებისა და საპასუხო განცხადების მიზეზი არც ეგ ფაქტორი გამხდარა. მინსკში ბჟანიას ვიზიტით პროვოკაციების სერია არ სრულდება. ხვალ კრემლში ოკუპირებული ცხივნალის თვითგამოცხადებულ პრეზიდენტსაც ელოდებიან.
