არაღიარების პოლიტიკის კრიზისი, მაგრამ მაინც კმაყოფილი "ქართული ოცნება". აფხაზეთის მარიონეტი ლიდერის მინსკში ჩასვლას თბილისი ფაქტობრივად დუმილით გამოეხმაურა. მხოლოდ რამდენიმესაათიანი პაუზის შემდეგ, საგარეო უწყებამ ნაკლებად მძიმე განცხადება გაავრცელა და ეს იყო ერთადერთი საპროტესტო დიპლომატიური ნაბიჯი ალექსანდრე ლუკაშენკოს მიერ ასლან ბჟანიას მიღებაზე.
თუმცა, კიდევ უფრო მძიმე რეალობა ელის საქართველოს ხელისუფლებას უახლოეს დღეებში - აფხაზეთის და სამხრეთ ოსეთის მარიონეტი ლიდერები ამ დრომდე მოსკოვში იმყოფებიან, და ვრცელდება ინფორმაცია, რომ ვლადიმერ პუტინი საქართველოსთვის ახალ უსიამოვნო გადაწყვეტილებას ამზადებს.
