საერთაშორისო მედიაში ერთ-ერთ მთავარ თემად რჩება საქართველოს გავლით რუსეთში მოხვედრილი სანქცირებული პროდუქცია. ამჯერად ამ საკითხს საკმაოდ ვრცელი სიუჟეტი ამერიკულმა ტელეკომპანია NBC-მ მიუძღვნა.
ავტორების თქმით, მოსკოვი სანქციებს მესამე ქვეყნების დახმარებით არიდებს თავს და ერთ-ერთი გზა, რომლის საშუალებითაც რუსეთში პროდუქცია შედის, საქართველოზე გადის.
ამერიკელი ჟურნალისტი ამბობს, რომ ჩინური კომპანია საქართველოში ახალ გვირაბს აშენებს, რომლის დასრულების შემდეგ პროდუქცია რუსეთში უფრო სწრაფად და დაბრკოლებების გარეშე შევა.
