"დაასრულეთ ეს ომი" - ამ სიტყვებით მიმართა გერმანიის საგარეო საქმეთა მინისტრმა, ანალენა ბერბოკმა, რუსეთის საგარეო უწყების ხელმძღვანელს, სერგეი ლავროვს, G20-ის სამიტზე.
ორგანიზაციის წევრი ქვეყნების საგარეო საქმეთა მინისტრების შეხვედრაზე გერმანიის საგარეო საქმეთა მინისტრმა ანალენა ბერბოკმა რუსეთი G20-ის მუშაობის პარალიზებაშიც დაადანაშაულა.
"ჩვენ გვჯერა მულტილატერალიზმის [მრავალი ქვეყნის ერთ საერთო საკითხზე თანამშრომლობა]“, - თქვა ბურბოკმა და სამიტზე დამსწრე რუსეთის საგარეო საქმეთა მინისტრ სერგეი ლავროვს მიმართა - "დაასრულეთ ეს ომი, შეწყვიტეთ საერთაშორისო წესრიგის დარღვევა".
