უცხოური მედიასაშუალებები თბილისში დღეს განვითარებულ მოვლენებს კრიტიკული სტატიებით ეხმაურებიან. "საქართველოში პოლიცია "ავტორიტარული" კანონის წინააღმდეგ საპროტესტო აქციების დასაშლელად წყლის ჭავლს იყენებს", - წერს გამოცემა The guardian პარლამენტთან მიმდინარე აქციაზე.
"ყოფილ საბჭოთა ქვეყანაში საქართველოს პოლიციამ გამოიყენა წყლის ჭავლი და ცრემლსადენი გაზი, რათა დაეშალა ათასობით ადამიანი, რომლებიც შეიკრიბნენ მას შემდეგ, რაც პარლამენტმა მხარი დაუჭირა კანონპროექტს "უცხოური აგენტების შესახებ", რომელიც კრიტიკოსების თქმით, წარმოადგენს ავტორიტარულ ცვლილებას" - წერს გამოცემა.
ფრანგული გამოცემა Lemonde კი წერს, რომ საქართველოში ათასობით ადამიანი აპროტესტებს საკამათო კანონპროექტს "უცხოელი აგენტების" შესახებ.
ქართველი ხალხის პროტესტი არც CNN-ს გამორჩენია. გამოცემა წერს, რომ საპროტესტო აქციები მას შემდეგ დაიწყო, რაც საქართველოს პარლამენტმა უცხოელი აგენტების შესახებ კანონპროექტი მიიღო
როგორც Reuters წერს, ქართველმა სამართალდამცავებმა, აქციის დასაშლელად, დემონსტრანტების წინააღმდეგ ცრემლსადენი გაზი გამოიყენეს.
შეგახსენებთ, რომ "ქართულმა ოცნებამ" რუსული კანონპროექტი პირველი მოსმენით მიიღო - მას მხარი 76-მა დეპუტატმა დაუჭირა.
