თბილისის საქალაქო სასამართლოში ზურაბ ჯაფარიძის პროცესი უნდა დაიწყოს. ჯაფარიძე და გირჩი მეტი თავისუფლების კიდევ ერთი წევრი, ნიკა მოსიაშვილი სასამართლოში წინასწარი დაკავების იზოლატორიდან რამდენიმე წუთის წინ გადაიყვანეს.
შეგახსენებთ ჯაფარიძე და მოსიაშვილი რუსთაველის გამზირზე გამართულ აქციაზე 7 მარტის ღამეს, აქციის დარბევისას დააკავეს. პოლიციამ მათი მისამართით ფიზიკური ძალა გამოიყენა. ადვოკატის ინფორმაციით, ჯაფარიძეს დუბინკებით მიყენებული დაზიანებები თავის არეში აღენიშნება.
ჯაფარიძე და მოსიაშვილი ადმინისტრაციულ სამართალდარღვევათა კოდექსის 166-ე და 173-ე მუხლებით არიან დაკავებული, რაც წვრილმან ხულიგნობასა და პოლიციის კანონიერი მოთხოვნისადმი დაუმორჩილებლობას გულისხმობს.
